Kinuna ni Department of Agriculture (DA) Undersecretary Leo Sebastian a makaganansia dagiti mannalon a Filipino iti mabalin a panagkurang ti suplay ti bagas iti sangalubongan gapu iti mapaspasangasangan nga idadateng ti El Nino.
Iti datos ti DA National Rice Program (NRP), idi Marso 2023, agbalor iti PhP17.69 ti tunggal kilo ti di pay nabilag nga irik, idinto a PhP19.73 ti nabilag nga irik.
Idi Abril 2023, nagbalin a PhP17.66 ti tunggal kilo ti di pay nabilag nga irik, idinto a PhP20.38 ti nabilag.
Kanginaan ti irik iti Central Luzon, ta PhP22 ti tunggal kilo ti di pay nabilag, idinto a PhP25 ti nabilag.
TURISMO: Intayon Idiay Ayuyang Garden iti Pila, Siudad ti Laoag!
Segun iti datos ti Philippine Rice Industry Stakeholders Movement (PRISM) a buklen dagiti pagkonuan ti irik ken dagiti negosiante, dagitoy ti presio ti irik para iti kalgaw ti 2023:
*Isabela: PhP18.50 (dagiti di pay nabilag) ken PhP22.50 (nabilag)
*Nueva Ecija: PhP19.50 ken PhP23.50
*Bulacan: PhP20 ken PhP24
*Tarlac ken Pangasinan: PhP18.50 ken PhP22.50
*Mindoro: PhP19 ken PhP23
*Leyte: PhP17.50 ken PhP21.50
*Caraga: PhP19 ken PhP23
*Iloilo: PhP18 ken PhP22
*Davao: PhP19.40 ken PhP23.40
Iti napalabas a lawas, impanamnama ni Presidente Marcos, a dauluen ti DA, a saanen a maipangina ti bagas apaman a mangrugi ti panagaapit kadagiti probinsia ti Nueva Ecija, Isabela, ken North Cotabato. (Argyll Cyrus Geducos/Manila Bulletin)
