Aganay a PhP3.4-milion ti naited kas sueldo ti 822 a benepisiario ti Tulong Panghanapbuhay sa Ating Disadvantage/Displaced Workers (TUPAD) iti ili ti Santa Tersita, Cagayan itay nabiit.
Naggapu ti kuarta iti pondo nga inted ti Department of Labor and Employment (DOLE) ken naibunong babaen ti opisina ti Public Employment and Service Office (PESO) kas sueldo dagiti benepisiario iti sangapulo nga aldaw a panagdalusda iti komunidad iti bulan ti Hulio ken naited kas kiddaw ti gobierno munisipal babaen ken ni Mayor Rodrigo De Gracia.
Indauluan ti DOLE-Cagayan Field Office 2 babaen ken ni Edgardo Eduria ken ti PESO babaen ken ni Jocelyn D. Baldoviso ti pannakaited ti aganay a PhP4,200 tunggal maysa kadagiti 822 a benepisiario.
Segun ken ni Baldiviso, kiniddaw ni Mayor De Gracia nga adda mainayon a 110 a puesto para kadagiti sumaruno a mapili a benepisiario para iti sangapulo ket lima nga aldaw a panagtrabaho tapno mausar ti nabati pay a pondo ti TUPAD nga agdagup iti PhP693,000. (Teksto ken ladawan: Edison Blancas Tobias)
