Natiliw dagiti kameng ti Bureau of Customs (BoC) ken Inter-Agency Drug Interdiction Task Group (IADITG) ti Ninoy Aquino International Airport (NAIA) ti maysa a Filipina a naggapu iti Addis Ababa, Ethiopia, idi matakuatanda ti maatap a cocaine iti bagahe daytoy nga agbalor iti PhP18.3-milion.
Ni Zenaida Losloso, 49, a tubo ti Lucena City, Quezon ti nagawit iti bagahe a naglaon iti maatap nga ilegal a droga.
Segun ken ni Customs Deputy Commissioner for Intelligence Group Juvimax Uy, naglugan iti Ethiopian Airlines flight ET 644 ni Losloso, a bimmaba iti NAIA Terminal 3 idi Agosto 24.
Apaman a simmangpet, nagdalan ti bagahe ni Losloso iti x-ray scanning, ket nakita dagiti screeners ti maatap a cocaine a nailemmeng iti maysa a supot a 3,454 a gramo ti kadagsenna.
Manipud Kadagiti Agdama a Kameng ti Bannawag: Dios ti Agngina!
Kalpasan a masukisok ti bagahe, natakuatan ti autoridad nga adda nailemmeng nga ilegal a droga iti bagahe, ket naammuanda a cocaine daytoy.
Iti pattapatta ti autoridad, mapan a PhP18.3 a milion ti balor ti natiliwda a droga.
Nayawaten ti suspek, agraman amin nga ebidensia, iti Philippine Drug Enforcement Agency (PDEA) tapno mayuli ti umisu a darum kontra iti daytoy. (Ariel Fernandez/Manila Bulletin.)
