Limmabasen iti Balintang Channel ti super typhoon Goring (internasional a nagan: Saola) ket agturong itan iti amianan a paset ti West Philippine Sea (WPS), segun iti Philippine Atmospheric, Geophysical and Astronomical Services Administration (PAGASA).
Impakaammo ti PAGASA nga itay alas otso ti bigat (Agosto 30), nasaripatpatanda ni Goring 90 km laud-abagatan a laud ti Basco, Batanes.
Nagbalin manen a super typhoon ni Goring ket umabot iti 195kph ti kapardas ti angin iti asideg ti sentrona ken mabalin a pumegges agingga 240kph. Agpalaud nga amianan iti kapardas a 15kph.
Signal number 3 latta iti Batanes ken iti amianan ken laud a paset ti Babuyan Island; idinto a Signal number 2 iti natda a paset ti Babuyan Island, amianan a paset ti Ilocos Norte, ken ti amianan a laud ti Cagayan.
Manipud Kadagiti Agdama a Kameng ti Bannawag: Dios ti Agngina!
Naibayog ti Signal number 1 iti amianan ken tengnga a paset ti Cagayan, amianan a paset ti Kalinga, Abra, ken Ilocos Norte, agraman ti dadduma a paset ti Ilocos Norte. (Ellalyn De Vera-Ruiz/Manila Bulletin)
