Rumrummuaren ni super typhoon Goring (Saola) iti Philippine area of responsibility (PAR), segun iti Philippine Atmospheric, Geophysical and Astronomical Services Administration (PAGASA).
Iti kaudian a pakaammo ti PAGASA, nasaripatpatan ni Goring 180 km iti laud ti Itbayat, Batanes.
Agturong ni Goring iti amianan a laud iti kapardas a 15kph.
Naibaban ti Signal number 1 iti Batanes, Babuyan Islands, Ilocos Norte, amianan a paset ti Apayao, ken amianan a laud ti Cagayan.
TURISMO: Intayon Idiay Ayuyang Garden iti Pila, Siudad ti Laoag!
Sabali pay a bagyo, ni Haikiu, ti nasaripatpatan ti PAGASA iti 1,465 km iti daya ti Amianan a Luzon. Managanan daytoy iti "Hanna" apaman a makastrek iti PAR.
Nupay saan unay a makaapekto iti pagilian ni Haikiu, kas kinuna ti PAGASA, pakaruen daytoy ti abagat ita a Huebes (Agosto 31) wenno inton Biernes (Septiembre 1), a mangparnuay iti napigsa a tudo iti laud a paset ti Luzon ken Visayas ita a lawas. (Ellalyn De Vera-Ruiz/Manila Bulletin.)
