Supsuportaran ti National Economic and Development Authority (NEDA) ti impaulog ni Presidente Ferdinand R. Marcos Jr. nga Executive Order No. (EO) 39 a maipatungpal itoy a Septiembre 5.
Iti EO 39, naikeddeng a PhP41 ti tunggal kilo ti regular-milled a bagas, ken PhP45 ti well-milled a bagas, idinto nga awan ti naikeddeng a presio ti espesial ken primera klase a bagas.
Nagballaag ti Foundation for Economic Freedom (FEF) maipapan iti dakes nga epekto ti panangikeddeng ti presio ti bagas kadagiti mannalon, publiko, ken iti ekonomia, ket insingasing daytoy a napimpintas koma no maipababa ti taripa iti panagangkat manipud iti 35 a porsiento agingga iti 10 a porsiento.
Inlawlawag ti NEDA ti gandat ti EO 39 a maipababa a dagus ti presio ti bagas, ken madusa ken malapdan dagiti agiduldulin iti bagas.
Manipud Kadagiti Agdama a Kameng ti Bannawag: Dios ti Agngina!
Nupay kinuna ti NEDA a temporario laeng a solusion ti EO 39, saan laeng a daytoy ti nabukel a solusion, ta aggunggunayen dagiti pannakabagi ti linteg a mangtiliw kadagiti agiduldulin, nalabes nga agganganansia, agipuspuslit, ken makiraman iti kartel ti bagas. (Chino S. Leyko/Manila Bulletin)
