"Nanginngina payen ti kamatis ngem ti sibuyas!" Daytoy ti kinuna ni House Deputy Majority Leader and ACT-CIS Party-list Rep. Erwin Tulfo iti naammuanna a presio ti kamatis a PhP12.50 ti maysa.
Iti panagbista (hearing) ti House Committee on Agriculture and Food itay Septiembre 5 maipapan iti panagipuslit iti sektor ti agrikultura, imbalakad ni Tulfo iti Bureau of Plant Industry (BPI) a bantayanda ti presio ti kamatis.
Iti isu met laeng a panagbista, binabalaw ni Tulfo ti BPI, nga adda iti babaen ti Department of Agriculture (DA), gapu iti saanda a pannakaannong iti akemda a mangsiput iti presio dagiti produkto agrikultura kadagiti tiendaan. (Ellson Quismoro/Manila Bulletin)
Eksklusibo iti Website
