Inrekomendar ni Finance Secretary Benjamin Diokno ni NEDA (National Economic and Development Authority) Secretary Arsenio M. Balisacan nga agbalin a sekretario ti Department of Agriculture (DA).
Kinuna ni Diokno a maitutop ni Balisacan nga agbalin a DA Secretary gapu ta adu ti ammo ken padas daytoy iti sektor ti agrikultura.
Nagpaay ni Balisacan nga undersecretary ni Senador Edgardo Angara idi nagpaay ti naudi a kas Sekretario ti DA, ken nagpaay nga undersecretary ti DA idi ni met dati a Presidente Gloria Macapagal-Arroyo ti nagpaay a DA Secretary.
Nagturpos ni Balisacan iti Agrikultura iti Don Mariano Marcos University (DMMSU) idi 1979, Master of Science degree in Agricultural Economics manipud iti University of the Philippines Los Baños, ken Ph.D. in Economics manipud iti University of Hawaii at Manoa.
TURISMO: Intayon Idiay Ayuyang Garden iti Pila, Siudad ti Laoag!
Tinudingan ni Presidente Ferdinand Marcos Jr. ti bagina a mangidaulo iti DA, ket kinunana a saan a mangdutok iti sekretario agingga a dina pay maaramid "dagiti narigat nga aramiden." (Chino S. Leyco/Manila Bulletin.)
