Saan a napakadaan dagiti kameng ti Economic Team ni Presidente Ferdinand Marcos Jr. ti pannakaipakdaar iti publiko ti naituding a presio ti bagas.
Kinuna ni Finance Secretary Benjamin Diokno nga addada ken NEDA Secretary Arsenio M. Balisacan idiay Japan ket naklaatda idi naipaulog ti Executive Order No. 39 a nangituding iti presio ti regular milled ken well-milled a bagas.
Adu ti nangbabalaw iti EO 39 gapu ta kinunada a saan a mayataday daytoy iti linteg ti suplay ken panagkasapulan (Law of supply and demand) iti Economics.
Idi Septiembre 3, kinuna ti National Economic and Development Authority (NEDA) a saan nga agpaut ti naituding a presio ti bagas.
Manipud Kadagiti Agdama a Kameng ti Bannawag: Dios ti Agngina!
Inlawlawag ni Diokno a supsuportaranda latta ti naipaulog nga EO tapno malapdan ti ingingina pay ti bagas ken mangipaay iti dagus a suporta kadagiti kailian. (Chino S. Leyco/Manila Bulletin)
