Inridis ni Department of National Defense (DND) Secretary Gilberto Teodoro Jr. a ti napeggad a panagtignay, panagipangta, ken kinaagresibo dagiti bapor ti China a maibusor kadagiti bapor ken bilog ti Filipinas ket panaglabsing iti kinatalged ti panaglayag iti West Philippine Sea (WPS).
Kinuna daytoy ni Teodoro kalpasan a riniribuk ti China Coast Guard (CCG) ken Chinese Maritime Militia (CMM) ti bilog a naaramat iti Rotation and Reprovisioning (RoRe) mission ti Armed Forces of the Philippines (AFP).
Kinuna pay ni Teodoro a baybayabayen laeng ti Philippine Coast Guard (PCG) dagiti bilog a nangitulod iti taraon ken suplay dagiti soldado a Filipino a nakadestino iti BRP Sierra Madre iti Ayungin (Second Thomas) Shoal, ngem riniribuk ida dagiti CCG.
Impaganetnet ni Teodoro a ti pannakairaman ti BRP Valentin Diaz (PS-177) ken BRP Ladislao Diwa (PS-178), papigsaenna ti kabaelan ti Philippine Navy (PN) ken PCG a mangwanawan iti WPS ken mangpatalged iti sumaruno a RoRe mission dagitoy. (Martin Sadongdong/Manila Bulletin.)
