Ni Sen. Jinggoy Ejercito Estrada a daulo ti National Defense Panel.

Patien dagiti nangangato nga opisial ti Philippine Coast Guard (PCG) nga adda Filipino a mangsupsuportar iti tarigagay ti China a mangiwaras iti biddut nga impormasion maipapan iti West Philippine Sea (WPS).

Daytoy ti imbutaktak ita (Septiembre 12) ni PCG Commodore Jay Tariella iti pannakabista (hearing) ti Senate Committee on National Defense and Security.

Sinaludsod ni Sen. Jinggoy Ejercito Estrada a daulo ti National Defense Panel no ni dati a presidential spokesperson Rigoberto Tiglao ti dakdakamaten ni Tariella.

Dagiti bapor ti Philippine Coast Guard (PCG) a BRP Cabra ken BRP Sindangan a pinalikmutan dagiti bapor ti China Coast Guard (CCG) ken Chinese Maritime Militia (CMM) bayat ti resupply mission iti Ayungin Shoal, West Philippine Sea itay Septiembre 8, 2023.

Kinuna ni Tariela a no saan a supsuportaran ni Tiglao ti taktakderan ti Filipinas iti WPS, mabalin a karaman ni Tiglao kadagiti grupo ti Filipino a mangsupsuportar iti China.

Eksklusibo iti Website
TURISMO: Intayon Idiay Ayuyang Garden iti Pila, Siudad ti Laoag!

TURISMO: Intayon Idiay Ayuyang Garden iti Pila, Siudad ti Laoag!

Pinalutpot ni Sen. Risa Hontiveros ni Tariella no asino ti naggapuan ti impormasionda, ket kinuna ni Tariella a naggapu ti impormasion kadagiti gagayyemda iti nadumaduma a news organization.

Imbatad ni Tariella a nakadanon kadakuada ti impormasion manipud kadagiti periodista a mangsupsuportar iti Filipinas a nakaawatda kano iti email a mangisisiasi iti atensionda. Kayat dagitoy a grupo a maiturong ti atension iti Vietnam, imbes nga iti kinaranggas nga ar-aramiden ti China. (Hannah Torregoza/Manila Bulletin.)