Mangrugin a dakamaten ti Tariff Commission ti pannakaipababa ti taripa ti bagas inton Septiembre 15 babaen ti videoconferencing.
Maaramid ti pannakabista (hearing) kas sungbat iti petision nga impila ti Foundation for Economic Freedom, Inc. (FEF), a nangisingasing a maipababa ti taripa dagiti Most Favoured Nation (MFN) manipud iti 35% ket agbalin a 10% para iti in-quota ken out-quota.
Sakbay daytoy, kinuna ni Finance Secretary Benjamin E. Diokno nga inrekomendarna ti temporario a pannakaipababa ti taripa iti panagangkat iti bagas tapno malapdan ti ingingina daytoy.
Insingasing ni Diokno a maipababa ti taripa manipud iti 0% agingga iti 10% para iti ASEAN ken MFN.
Manipud Kadagiti Agdama a Kameng ti Bannawag: Dios ti Agngina!
Inlawlawag ni Diokno a kas sagudayen ti Republic Act (RA) 11203 wenno "Rice Tariffication Law,” maikkan iti karbengan ti Presidente a mangbaliw iti gatad ti aduana segun iti naituding a limitasion. Ngem maaramid laeng ti Presidente daytoy no saan a nakasesion ti Kongreso. (Chino S. Leyco/Manila Bulletin.)
