BANGUI, ILOCOS NORTE. Naaddaan manen iti gundaway dagiti nagkaklaklasean iti Saint Lawrence Academy Class ’87 a nakapagiinniliw iti panagawid ni Dennis Garon manipud iti Guam (maikapat kadagiti nakatakder manipud iti kanigid). Nakatugaw (agpakanawan): Evangeline M. Garvida, Marites G. Agoy, Corazon Luisa Jaramillo, Caroline Go, Margarita A. Cham-ag, ken Estrelita M. Batilo. Nakatakder (agpakanawan): Abraham C. Aguino Jr., Jerry Ruiz, Orlando Paganao, Dennis Garon, Frederic Batilo, ken Ernesto Gamiao. Naangay daytoy a taripnong iti Ramiscal Mountain Resort iti Lanao idi Hulio 23. Iti akimbaba a ladawan, napan met indanon ti grupo ti pannakipagriknada ken ni Dennis iti pagtaenganda iti Dumalneg (Ilocos Norte) iti ipupusay ti dakkelna a lalaki a nangkaduaan pay kadakuada da Emily Reyes (maikapat manipud iti kanigid) ken Rubelyn O. Velasco (maikalima).
(Naipablaak iti Septiembre 1-15, 2023 a bilang ti Bannawag.)
