PINILI, ILOCOS NORTE. Dagiti agad-adal iti Salanap Elementary School a nakipartisipar iti National Learning Camp (NLC) nga inwayat ti Departamento ti Edukasion (DepEd) a kas paset ti Recovery Program ti departamento, kaduada dagiti mannursuroda ken ti principal ti pagadalan. Naragsak dagiti ubbing nga immatendar iti daytoy nga aktibidad agraman dagiti mannursuro a siaayat a nangawat kadagitoy nga ubbing nga immay nangituloy iti panagbasada tapno ad-addanto pay a nakasaganada apaman nga aglukat ti School Year 2023-2024. Boluntario laeng ti panagenrol iti NLC ken boluntario met ti panagserbi dagiti mannursuro. Naragsakan ni Public School District Supervisor Dr. Zyrill Ianna Pauline D. Pe-Benito a nakaimatang iti kaadu dagiti ubbing a nagenrol iti daytoy nga NLC. Iti akimbaba a ladawan, kadua da PSDS Dr. Pe-Benito ken Principal Ailleen R. Rambaud (maikapat ken maikalima manipud iti kanawan, kas panagsaganadda) dagiti mannursuro ti Salanap Elementary School, da (agpakanawan) Marisel P. Reyes, Ruth L. Peralta, Leila F. Fernandez, Edna P. Galang, Shellalyne P. Estavillo, Saira Joy R. Sanga, ken Judalyn R. Rocero.
(Naipablaak iti Septiembre 1-15, 2023 a bilang ti Bannawag.)
