Dagiti pastoral worker a timmulong iti pannakaibunong ti relief goods manipud iti BDO Foundation. Agpakannawan: Erlinda Gonzaga, Lorelyn Palor, Dominga Unabia, Loida Tobias, Evelyn De la Rosa, ken Emerlina Pascua. Naangay ti panagibunong iti mismo a Saint Mary of the Angels Parish Church.

Aganay a 1,243 a pamilia iti 4 a barangay ti Santa Teresita, Cagayan ti naipaayan iti relief goods a saranay manipud iti Banco De Oro (BDO) Foundation itay Setiembre 10 ken 11.

Babaen ti panangiwanwan ti Saint Mary of the Angels Parish nga indauluan da Reverend Father Emerson Bumagat, OFM ken Reverend Father Jonald Banatao, OFM, naibunong dagiti relief good kadagiti benepisiario a pamilia kadagiti barangay ti Masi, Simpatuyo, Simbaluca, ken Caniugan.

Dagitoy a barangay, a napakaruan iti layus a ginubuay ti nagsaruno a bagyo a Goring ken Hanna, ti inayudaan met laeng ti gobierno lokal iti panangidaulo ni Mayor Rodrigo De Gracia. Babaen ti inisiatibo ti Simbaan Katoliko, natignay met ti BDO Foundation tapno sumaranay.

Impeksa ni Fr. Bumagat ti panagyamanna iti BDO Foundation ken kadagiti pastoral worker a timmulong iti pannakaibunong ti ayuda.

Eksklusibo iti Website
TURISMO: Intayon Idiay Ayuyang Garden iti Pila, Siudad ti Laoag!

TURISMO: Intayon Idiay Ayuyang Garden iti Pila, Siudad ti Laoag!

"Saan laeng a dagiti Katoliko ti benepisiario, mairaman dagiti sabali pay a sekta wenno relihion, basta apektado ti layus, maparaburan iti daytoy nga ayuda," kinunana ni Fr. Bumagat.

Malagip a maysa ti BDO Foundation kadagiti kanayon a sumarsaranay, iti panangidalan ti Simbaan Katoliko, no adda kalamidad a mapasamak iti pagilian. (Edison B. Tobias)