Saan a nangparnuay iti tsunami ti 6.4-magnitude a ginggined a nangdayyeg iti Dalupiri Island, Cagayan itay Martes ti rabii (Septiembre 12), kinuna ti Philippine Volcanology and Seismology (Phivolcs).
Kinuna ti Phivolcs a tectonic, wenno ‘tay panagrinnisiris dagiti genned ti daga (tectonic plate) iti uneg ti baybay (wenno daga), ti nakaigapu iti ginggined.
Nupay iti Cagayan ti sentro ti ginggined, narikna iti Ilokos ti kinapigsa daytoy. Iti Sinait, akin-amianan a probinsia ti Ilocos Sur, narikna dagiti agindeg ditoy ti Intensity 4.
Iti datos ti Phivolcs, awan ti naipadamag a nadadael gapu iti ginggined. (Lizst Torres Abello/Manila Bulletin.)
Eksklusibo iti Website
