PANAGSAGANA NO ADDA GINGGINED. Tapno mayadal kadagiti mannursuro ken estudiante ti umno a proseso a masurot tapno maliklikan ti disgrasia ken pannakadangran no adda dagiti saan a mapakpakadaan a didigra a kas iti ginggined, nakipagpaset ti Namruangan Elementary School iti Cabugao, Ilocos Sur iti naangay a 2023 Third Quarter National Simultaneous Earthquake Drill (NSED) idi Septiembre 7. Karaman a naisuro kadagiti ubbing ti kasimplean a nga aramiden bayat ti ginggined a “duck, cover and hold” ken ti naannayas nga iruruarda kadagiti siled-pagadalan nga agturong iti naidesignar nga evacuation area. (Teksto: Mancielito S. Tacadena/Ladawan: Pammadayaw ti Namruangan Elementary School)
Tao, Lugar, Pasamak
