Innem a Daniw ni HONOR BLANCO CABIE
1
sumrek 'ti ruangan langit di kayat
daydiay kasarsaritan pedro ta
kayatna pay kanot' agpagpagna
5 a Daniw
'ti baetan pati 'ti tamtambak.
'agpapaudiak' singising 'tay
napnuan kinapasnek, nasdaaw ket
ni san pedro iti naisaluket
a balikas kenkuana 'diay lakay.
'ikabilmo pay la 'ta naganko,'
kiddaw daydiay lakay, 'diay tukotna
bugson a nakapuspuskol, innak
pay la sadiay no ipalubosmo.'
nasdaaw ni san pedro ta adda
mangyaleng-aleng 'tay panagragsak.
2
naimas, 'tanud
ti sida a dinengdeng,
papigsaenna
ti bagi ken panunot,
dakkel ti maitulongna.
3
naisarabasab
daytay palag nga ugsa,
makamatisan
agtikrabka a dagus,
agling-etka pay adu.
4
wenno 'tay sabong
'tay kiaw a karabasa,
ta 'diay digona
mangep-ep daras bisin,
pagtalnaennat' rikna.
5
bunga ti pallang,
bunga pay ti singkamas,
;tay sabiddukong,
'tay rangaw karabasa,
ingatomon 'ta sakam.
6
daytay samsamping
no naganus bungana,
ensalada, ay!
la ketdi agling-etka --
raed a mapausan.
