'Dakkel a basol' ti di panangusar iti binilion a pisos a nailatang a para kadagiti mannalon, daytoy ti imbatad ni AGRI Party-list Rep. Wilbert T. Lee iti Philippine Center for Postharvest Development and Mechanization (PhilMech).
Iti panangsumar ni Lee iti badiet ti PhilMech kabayatan ti budget hearing ti House Committee on Appropriations iti 2024 a badiet ti Department of Agriculture (DA), kinunana a "nasurok a PhP8-bilion ti nabati a badiet para iti 2022, manipud iti appropriations para ita a 2023."
"Dakkel a basol ti panangibati iti binilion a pateg ti kuarta a masapul a nausar koma a pangtulong kadagiti mannalon ken mangngalap," imbatad ni Lee.
Pinalagipan ni Lee ni PhilMech Director Dr. Dionisio Alvindia maipapan iti kinapateg a matulongan dagiti mannalon babaen ti panangted kadagitoy kadagiti ramramit ti talon ken pasilidad a maaramat kalpasan ti panagapit.
Manipud Kadagiti Agdama a Kameng ti Bannawag: Dios ti Agngina!
"Dagiti mannalon ken mangngalap dagiti soldadotayo para iti umdas a taraontayo iti pananglaban iti panagbisin; kasanoda a lumaban no awananda met iti bala?" kinuna pay ni Lee. (ELLSON QUISMORIO/ Manila Bulletin)
