Naupay ti Inter-Agency Council Against Trafficking (IACAT) gapu iti nakurang a pannakitunos dagiti kompania a mangiturturay kadagiti messaging applications iti pannakidangadang maibusor iti panagipuslit iti tao (human trafficking).
Imbatad ni Department of Justice (DOJ) Undersecretary Nicholas L. Ty, daulo ti IACAT, a narigat a kasarita dagiti kompania a mangimatmaton iti social media ken messaging app a maus-usar iti panagipuslit iti tao.
Kinuna ni Ty a kadakkelan a parikutda dagiti babassit a messaging app kas iti Telegram ta nakaawatda iti report a maus-usar daytoy nga app iti ilegal nga aktibidad, idinto a saanda a makontak ti kompania ti Telegram, isu a nasken a mangsapulda iti sabali a pamuspusan tapno maimbestigaranda daytoy.
Maibatay iti naamendaran a Trafficking Law ken ti Online Sexual Abuse and Exploitation of Children (OSAEC) Law, adda karbengan dagiti social media platforms nga ikkaten dagiti content nga ipapaikkat dagiti pannakabagi ti linteg, ken mangipaay iti datos a mausar nga ebidensia maibusor kadagiti naglabsing.
Manipud Kadagiti Agdama a Kameng ti Bannawag: Dios ti Agngina!
Innayon pay ni Ty a maysa pay a karit dagiti social media platforms a saan a nakabase ti Filipinas, ngem adda met kooperasion dagiti dadduma kas iti Meta. (Jeffrey Damicog/Manila Bulletin.)
