Dandanin aggibus dagiti naragsak nga aldaw dagiti kartel ti sibuyas.
Daytoy ti kinuna ni Cavite 4th District Rep. Elpidio Barzaga Jr. kalpasan nga impila ti National Bureau of Investigation (NBI) ti kaso a kriminal maibusor iti innem a tao gapu iti panagilemmeng ken panangmanipularda iti presio ti sibuyas.
Kinuna ni Barzaga a daytoy ti mangipakita a napasnek ni Presidente Marcos iti tarigagayna a matiliw dagiti agilemlemmeng ken agipuspuslit iti agrikultural a produkto.
Kameng ti House Committee on Agriculture and Food ni Barzaga a mangim-imbestigar iti manipulasion ti presio ti sibuyas ken dadduma pay a produkto ti agrikultura, ket natakuatan a dagiti agilemlemmeng (hoarder) ti kangrunaan a gapu iti pannakaparnuay iti artipisial a panagkurkurang ti suplay ken ingingina ti maysa a produkto kas iti sibuyas.
Manipud Kadagiti Agdama a Kameng ti Bannawag: Dios ti Agngina!
Makitunos ti Kamara iti Department of Justice (DOJ) ken NBI iti pannakatiliw dagiti kartel ti sibuyas. (Ellson Quismoro/Manila Bulletin.)
