GALIMUYOD, ILOCOS SUR. Agpada a nagturpos a cum laude da Kryssha Mae G. Abengoza (Bachelor of Secondary Education, Major in Social Studies) ken Dimple G. Famajilan (Bachelor of Elementary Education) iti Ilocos Sur Polytechnic State College-Main Campus, Candon City, idi Agosto 10, 2023. Napadayawanda babaen dagiti medaliada: Hon. Kristine Singson-Meehan Academic Excellence Awardee, Provincial Government of Ilocos Sur Academic Excellence Awardee, City of Candon Academic Excellence Awardee, ISECO Excellence Awardee, ken Civil Service Eligible.
Buridek ni Kryssha Mae (ladawan iti ngato) iti tallo nga annak da Luis Abengoza ken Vilma Garcia-Abengoza. Inauna met ni Dimple iti dua nga annak da Edgar F. Famajilan ken Cherry Garcia-Famajilan. Agkabsat da Vilma ken Cherry nga inna dagitoy nagturpos.
Kaabay ni Dimple (maikadua a ladawan) ni nanangna a Cherry Garcia-Famjilan; ni Kasteen G. Famajilan nga adingna; ken ni tatangna nga Edgar F. Famajilan. Agpada a tubo ti Mckinley, Galimuyod, Ilocos Sur da Kryssha Mae ken Dimple. (Marlyn Garcia-del Rosario)
Naipablaak iti Oktubre 16-31, 2023 a bilang ti Bannawag.
