iti Bajo de Masinloc (Scarborough Shoal wenno Panatag Shoal) iti asideg ti Zambales.
Kas imbilin ni Presidente Ferdinand Marcos Jr., inikkat ita (Septiembre 26) ti Philippine Coast Guard (PCG) ti agtatapaw a bangen nga inkabil ti China iti Bajo de Masinloc (Scarborough wenno Panatag Shoal) iti asideg ti Zambales.
Binaon ni National Task Force for West Philippine Sea (NTF-WPS) Chairman and National Security Adviser Eduardo Año dagiti kameng ti PCG a mapanda ikkaten ti agtatapaw a bangen a nangserra iti abagatan a daya a pagserkan iti Bajo de Masinloc ken manglapped kadagiti mangngalap a Filipino a mapan sadiay.
Iti video nga impaskil ti PCG iti social media, makita a bimmatok ti maysa a lalaki a nakaiggem iti imuko ket pinutedna ti agtatapaw a bangen nga agatiddug iti 300 a metro.
Itay Septiembre 22, bayat ti panagwanawan dagiti kameng ti PCG ken ti Bureau of Fisheries and Aquatic Resources (BFAR), naduktalanda ti bangen nga inkabil dagiti tallo a rigid hull inflatable boats (RHIBs) ti China Coast Guard (CCG), ken maysa pay a service boat ti Chinese Maritime Militia (CMM).
Ket Itartarayanmi Dagiti Bomba
Impaganetget ni PCG spokesperson for West Philippine Sea (WPS) Commodore Jay Tarriela a pasingkedan ti 2016 Arbitral Award a ti Bajo de Masinloc ket maysa a tradisional a pagkalapan dagiti Filipino.
Kinuna ni Tariella a ti pannakaikkat ti bangen ket mayataday iti sangalubongan a linteg a mangsalaknib kadagiti Filipino a mangngalap ken iti turay ti Filipinas iti masakupanna a taaw. (Martin Sadongdong/Manila Bulletin//Lito P. Hilidon/Bannawag.)
