Agkiddaw ti Kilusang Magbubukid ng Pilipinas (KMP) iti dakdakkel a palay procurement fund ti National Food Authority (NFA) idinto nga asidegen a maaprobaran ti nailian a badiet para iti 2024.
Kinuna ti KMP itay Septiembre 24 a kiddawenda iti Kamara a mapalubosan koma ti NFA a makagatang iti dakdakkel pay a bulto ti irik manipud kadagiti lokal a mannalon.
Segun iti KMP, masapul a gatangen ti NFA ti di kumurang a 20% ti dagup ti naparnuay nga irik ken maisubli ti nalaklaka nga NFA rice kadagiti tiendaan.
Imbatad ti KMP a di nababbaba ngem PhP90-bilion ti nasken a mailatang iti NFA tapno makagatang iti nasurok 20% ti dagup ti naparnuay nga irik.
Manipud Kadagiti Agdama a Kameng ti Bannawag: Dios ti Agngina!
Kinuna ni KMP Chairman Emeritus ken dati a Sekretario ti Department of Agrarian Reform (DAR) Rafael Mariano nga ad-adu pay koma ti pagilakuan, pagbilagan, ken pagkonoan iti irik nga imatonan ti NFA. (Lizst Torres Abello/Manila Bulletin//Lito P. Hilidon/Bannawag.)
