Pirpirmaan ni Presidente Ferdinand R. Marcos Jr. (tengnga) itay Septiembre 27 ti “Trabaho Para sa Bayan Act,” a manamnama a mangrisut kadagiti nadumaduma a parikut iti sektor ti panagtrabaho iti pagilian, kas iti kinaawan ken kinakurang ti panggedan, nababa a kalidad ti trabaho, ken dadduma pay. (Ladawan: Pammadayaw ni Rey Baniquet ti pna.gov.ph)

Pinirmaan ni Presidente Ferdinand "Bongbong" Marcos Jr. ti  Republic Act (RA) 11962 wenno "Trabaho Para sa Bayan Act" itay Septiembre 27.

Babaen ti "Trabaho Para sa Bayan Act," manamnama a marisut dagiti nadumaduma a parikut iti sektor ti panagtrabaho iti pagilian, kas iti kinaawan ken kinakurang ti panggedan, nababa a kalidad ti trabaho, ken dadduma pay.

Malaksid iti daytoy, tamingen pay ti "Trabaho Para sa Bayan Act" ti pannakapasayaat dagiti paglaingan dagiti mangmangged a Filipino ken panagusar iti teknolohia dagiti MSMEs (micro-, small-, and medium-sized enterprises).

Maibatay iti "Trabaho Para sa Bayan Act," mabukel ti Trabaho Para sa Bayan Inter-Agency Council (TPB-IAC) a mangsangal iti plano para iti pannakaparnuay iti panggedan ken panagdur-as. Ipanguluan daytoy ni Sekretario ti National Economic and Development Authority (NEDA) Arsenio Balisacan.

Eksklusibo iti Website
Manipud Kadagiti Agdama a Kameng ti Bannawag: Dios ti Agngina!

Manipud Kadagiti Agdama a Kameng ti Bannawag: Dios ti Agngina!

Minandar ni PBBM ti ahensia a pardasan daytoy ti mangsangal iti pagannurotan ken  pagalagadan iti panangipatungpal iti daytoy a linteg. (Argyll Cyrus Geducos/Manila Bulletin//Lito Hilidon/Bannawag.)