Daniw ni ROGELIO G. PUGAT
Kinamaag nga agsubliak pay
Ta mangliwengliwengen ti nagbaetanta;
Kinamaag met daytoy a mensahe
Nga awanen pagtungpalanna;
Maag ti manglagip iti makautoy a kalman
Daniw
5 a Daniw
Ken mangbiag allilaw ti darepdep
No makitanan sinamar iti babaen ti baggak;
Diak kayaten a denggen
Makatitileng a lunod ti sonata.
Nanasanasen ti ayat idi kalman,
Bay-am a keltayek dagiti agrusing
Iti agngangabiten a sanga
Tapno agluaakto kalpasan dagiti garakgak.
Sangitak ti kinaimbagmo
Apay ita no katawaak kinarukopmo?
Ituloktan panagbalinta a maag
Ta ni ayat maysa met a kinamaag!
