Inaprobaran ni Presidente Ferdinand R. Marcos Jr. ti pannakairuar ti PhP12.7-bilion a pondo ti Rice Farmers Financial Assistance (RFFA) Program a mangtulong kadagiti babassit a mannalon tapno agtalinaed ti kinaadu ti maapitda.
Maibasar ti RFFA iti Republic Act (RA) No. 11598, wenno ti Cash Assistance to Filipino Farmers Act of 2021.
Kinuna ni Communication Secretary Cheloy Garafil idi Huebes nga inaprobaranen ni PBBM ti RFFA tapno mairuar ti pondo a mangsaranay kadagiti babassit a mannalon gapu kadagiti parikut a sarsarangten ti sektor ti agrikultura.
Maibatay iti Registry System for Basic Sectors in Agriculture (RSBSA) idi Hunio 30, adda 2.3-milion a babassit a mannalon a benipisiario, ket maikkanda iti PhP5,000 nga ayuda.
TURISMO: Intayon Idiay Ayuyang Garden iti Pila, Siudad ti Laoag!
Nairaman a benipisiario dagiti adda iti Farm Cooperative Association (FCA), Irrigators Association (IAs), Agrarian Reform Beneficiary Organizations (ARBOs), Small Water Impounding Systems Associations (SWISAs), kdp. (Ruth Abbey Gita-Carlos/pna.gov.ph//Lito Hilidon/Bannawag)
