Manamnama a makapataud ti Filipinas iti 1.9-milion a tonelada metriko a bagas ita a bulan (Oktubre) a mangpaadu iti suplay ti bagas iti pagilian, segun iti maysa nga opisial ti Department of Agriculture-Bureau of Plant Industry (DA-BPI).
Impanamnama ni DA-BPI Director Gerald Glenn Panganiban nga umdas ti suplay ti bagas gapu ta mangrugin ti panagaapit.
Kinuna ni Panganiban nga adda natalged a suplay ti bagas idinto a manamnama ti yaadu ti maapit iti daytoy a bulan ken iti Nobiembre.
Iti kallabes, kinuna ni Agriculture Senior Usec. Domingo F. Panganiban a napaliiwda a bimmaba ti presio ti bagas iti PhP5 tunggal kilo.
TURISMO: Intayon Idiay Ayuyang Garden iti Pila, Siudad ti Laoag!
Maipapan iti naituding a PhP41 ken PhP45 a presio ti bagas, kinuna ni Panganiban nga adda ken ni Presidente Marcos ti pangngeddeng no waswasenna daytoy. (Jel Santos/Manila Bulletin//Lito Hilidon/Bannawag.)
