Nakompiskar dagiti kameng ti PDEA-Cagayan ti 22 a heat-sealed transparent plastic sachet a naglaon iti mapapati a shabu, 3 a selpon, sumagmamano a drug paraphernalia, ken ti buy-bust money a nausar iti transaksion, kalpasan iti panangrautda iti maysa a drug den iti Tuguegarao City itay Oktubre 2. (Ladawan: Pammadayaw ti Cagayan PIO.)

Rinaut ti nagtipon a puersa ti Philippine Drug Enforcement Agency (PDEA) Cagayan Provincial Office ken Regional Intelligence Unit ti Police Regional Office 2 ti maipagarup a drug den iti Tuguegarao City itay Oktubre 2.

Iti drug buy-bust operation nga inwayat ti PDEA, sinerrekda ti Lyha Flower Shop iti Patria Bldg., Rizal Street iti Centro 7 iti Tuguegarao City, ket natiliwda idiay dagiti tallo a tao a naigamer iti droga.

Nabigbig dagiti tallo a da: Analiza Mora Balubal, 42; Warren Zorilla Evanoso, 35; ken Erwin Mailo Handig, 53.

Nakompiskar manipud kadagiti suspek ti 22 a heat-sealed transparent plastic sachet a naglaon iti mapapati a shabu nga agdagsen iti agarup 15 a gramo ket agbalor iti PhP102,000; agraman 3 a selpon; sumagmamano a drug paraphernalia; ken ti buy-bust money a nausar iti transaksion.

Eksklusibo iti Website
TURISMO: Intayon Idiay Ayuyang Garden iti Pila, Siudad ti Laoag!

TURISMO: Intayon Idiay Ayuyang Garden iti Pila, Siudad ti Laoag!

Maidarum dagiti suspek iti panaglabsing iti RA 9165 wenno Comprehensive Dangerous Drug Act of 2002. (Liezle Basa Iñigo/Manila Bulletin//Lito Hilidon/Bannawag)