Saan a nababbaba ngem 19,000 nga agtagikua iti tianggi ken aglaklako iti bagas iti entero a pagilian ti inikkan ti Department of Social Welfare and Development (DSWD) iti ayuda.
Agingga iti Oktubre 2, mapanen a PhP286.26 a milion ti dagup ti ayuda a naiwaras babaen ti Sustainable Livelihood Program (SLP) kadagiti 19,084 a benepisiario a napukawan gapu iti Executive Order No. 39 a naipaulog idi Septiembre.
Kinuna ni Assistant Secretary for Strategic Communications, ken pannakangiwat ti DSWD Romel Lopez a naikkan ti PhP15,000 dagiti babassit a negosiante iti bagas ken dagiti agtagikua iti tianggi, ket addan 78% dagiti benepisiario a naikkan.
Innayon ni Lopez a parpardasan ti DSWD ti panangted iti kuarta nga ayuda kadagiti natda a 5,400 a benepisiario iti entero a pagilian.
Ket Itartarayanmi Dagiti Bomba
Inwayat ni Presidente Marcos ti panangted iti ayuda tapno masaranay dagiti negosiante a naapektaran ti panangtengngel iti presio ti bagas. (Ellalyn De Vera-Ruiz/Manila Bulletin//Lito Hilidon/Bannawag)
