Pinarukma ni Margarita “Meggie” Ochoa ti kinasalisalna a ni Balqees Abdulla ti United Arab Emirates (UAE) iti Women’s -48kg Division Finals iti Jiu-Jitsu tapno magun-odna ti maikadua a balitok a medalia ti Filipinas iti 19th Asian Games iti Hangzhou, China itay Oktubre 5.
Kinuna ni Ochoa a tallo nga aldawen ti marikriknana a gurigor ken ut-ot iti bagina ket adun ti tinomarna nga agas tapno mabalinna ti makisinnalisal.
Ngem napukaw amin nga ut-ot ti bagina idi intag-ayen ti referee ti imana ket naideklarar a nangabak iti balitok a medalia.
Kinuna ni Ochoa a dagiti rigat nga inibturanna iti daytoy a tawen ti ad-adda a nangpasam-it iti balligina. (Rey Virgilio Lachica/Manila Bulletin//Lito Hilidon/Bannawag)
Eksklusibo iti Website
