30 A MANNALON ITI BANNA, ILOCOS NORTE, NAGTURPOS ITI FARM BUSINESS SCHOOL. Umuna a ladawan (ngato): Tallopulo a mannalon iti Banna, Ilocos Norte ti nagturpos iti Farm Business School (FBS) nga inwayat ti Department of Agrarian Reform (DAR) Ilocos Norte. Agpapada nga agrarian reform beneficiaries (ARBs) dagiti nagturpos ken kameng ti Nagpatayan Agrarian Reform Cooperative iti nasao nga ili. Iti uneg ti 25 a sesion, inlawlawag kadakuada ni Agrarian Reform Program Officer (ARPO) II Reynalda A. Quiamas dagiti napateg a maammuanda maipanggep iti panagnegosio ken panangimanehar kadagiti produktoda.
Iti maikadua a ladawan: Nairaman kadagiti nangsaksi iti graduation ceremony da Banna Mayor Chrislyn Abadilla (tengnga), Provincial Agrarian Reform Program Officer II Vic M. Ines (kanigid), ken Chief Agrarian Reform Program Officer Rommel R. Aquino (kanawan). Saan a nairaman iti ladawan da ARPO II Reynalda A. Quiamas ken ni ARPO I Rema M. Orpilla. (Jorge Richard P. Guerrero)
(Naipablaak iti Nobiembre 1-15, 2023 a bilang ti Bannawag.)
