Ti bagas ket biag.
Daytoy ti imbitla ni Presidente Ferdinand "Bongbong" Marcos Jr. iti maika-6 nga International Rice Congress (IRC) 2023 itay Oktubre 16 iti Philippine International Convention Center (PICC) iti Pasay City a dinar-ayan dagiti eksperto ken sientista iti industria ti bagas iti sangalubongan.
Inyunay-unay ni Presidente Marcos nga iti Filipinas, saan laeng a taraon ti bagas no di ket isu ti biag. Ket no adda pangta iti suplay ti bagas, agbalin a dakkel a parikut iti biag ni kadawyan a Filipino.
Tinignay ngarud ni Presidente Marcos dagiti ahensia ti gobierno ken dagiti adda iti pribado a sektor a makitinnulongda iti panggep ti International Rice Research Institute (IRRI) nga agsapul iti solusion kadagiti parikut iti industria ti bagas iti pagilian.
Mannurat ti Bannawag Clotilde C. Alzate, rinambakanna ti maika-100 a panagkasangayna
Sumagmamano kadagiti parikut a dinakamat ti Presidente dagiti bagyo ken dadduma pay a kalamidad, agraman dagiti krimen kas iti ilegal a panagangkat, panagipuslit ken panagilemmeng, ken dadduma pay nga aramid a pangta iti sektor ti bagas.
Kinuna ni Presidente Marcos nga aramiden ti gobierno ti amin tapno masigurado ti panagrang-ay ti industria ti bagas iti pagilian ken masalakniban dagiti mannalon ken dagiti aggatgatang. (Betheena Unite/Manila Bulletin//Lito Hilidon)
