Binallaagan ti Philippine Statistics Authority (PSA) ti publiko iti di autorisado a panang-scan ken panangala iti datos ti National ID.
Imbatad ni PSA Undersecretary Claire Dennis Mapa a saanda nga ar-aramiden daytoy, ket binalakadanna ti publiko nga agannad ken agridam kadagiti kastoy nga aramid ta mabalin nga agpeggad ti kinapribado ken seguridad ti impormasionda iti National ID.
Ti Philippine identification (PhilIDs) card ti kangrunaan a paset ti Philippine Identification System (PhilSys) nga impaulog ti gobierno tapno mangipaay iti maymaysa nga identification card (ID) dagiti Filipino.
Naglaon ti ID Card iti sensitibo a personal nga impormasion ken agserbi a pamaneknek iti kinasiasino ti asino man a maki-transaksion iti gobierno ken pribado a sektor.
Manipud Kadagiti Agdama a Kameng ti Bannawag: Dios ti Agngina!
Kiniddaw ti PSA iti publiko a saanda nga ipatpatulod ti PhilID wenno ePhilID, wenno ania man a personal nga impormasion iti uray asino man nga agpampammarang a kameng ti ahensia a mang-scan, agkalap, wenno mang-beripikar iti National ID.
Imbilin ti PSA iti publiko nga no adda kastoy a maaramid, makiuman a dagus iti Fraud Management Division ti PSA babaen daytoy nga email [email protected]. (Chino S. Leyco/Manila Bulletin//Lito Hilidon/Bannawag)
