Naisayangkat itay nabiit ti panagsanay iti emerhensia a first aid nga inatendaran dagiti negosiante iti Santa Teresita, Cagayan babaen ti panangilungalong ti Philippine Red Cross (PRC).
Naaramid ti panagsanay iti municipal gymnasium ti Santa Teresita babaen ti panangiwanwan ti gobierno munisipal nga idauluan ni Mayor Rodrigo De Gracia ken ti Public Employment Service Office babaen ken ni Community Training and Employment Coordinator Jocelyn D. Baldiviso.
Segun ken ni PRC Chapter Service Representative Marivelle Orje a nangidaulo iti panagsanay a kaduana dagiti miembro ti Emergency Medical Service ti munisipio, napateg a maammuan dagiti negosiante ti pannakaipakat ti "emergency first aid" ta dagitoy ti umuna a maawagan no adda maaksidente kadagiti establisiemiento nga ayan dagiti negosioda.
"Isuda ti kangrunaan nga agresponde", kinuna pay ni Orje.
TURISMO: Intayon Idiay Ayuyang Garden iti Pila, Siudad ti Laoag!
Aganay a 30 a negosiante ti nagatendar iti panagsanay. (Edison B. Tobias)
