Iprosproseson ti Department of Migrant Workers (DMW) ti panagawid ti agdagup ti 120 nga Overseas Filipino Worker (OFW) iti Israel, ket sumarunodan iti maikapat a batch a pumanawen iti Israel inton Huebes (Oktubre 26).
Kinuna ni DMW Officer-in-Charge Undersecretary Hans Leo Cacdac, a no maiprosproseso, kaipapananna a mamitlo nga awaganda dagiti OFW ket palupotenda ida no kayatda ti agawiden.
Kinuna pay ni Cacdac a siguraduenda a nakiinnareglo dagiti OFW iti amoda tapno makapagsublidanto met laeng inton agtalnan ti situasion.
Itay Lunes (Oktubre 23), simmangpeten ti maikatlo a batch, a buklen ti 25 nga OFW a naggapu iti Israel, idinto a 137 a Filipino ti adda pay laeng iti Gaza, segun ken ni Cacdac. (Marita Moaje/PNA/Lito Hilidon/Bannawag)
Eksklusibo iti Website
