Ni FEDERICO LICSI ESPINO JR.
BANNAWAG
Agmismisa ti saserdote nga init
iti simbaan ti law-ang.
Agparparintumeng ti sakristan nga angin
iti rabaw ti danum
ket agsabsabong ti dara
idiay baybay a naulimek.
Daytoy ti bagik.
Daytoy ti darak.
DANIW
Daniw
5 a Daniw
Dikay mangilunod.
Agdengdengngeg dagiti bulong
ket isuda dagiti lapayag a nalangto
ni Apo Dios.
Dikay agapa.
Agtayab ti billit-tuleng
ket isu ti agipadpadamag iti ayat
no awan ti kalapati.
Agkararagkayo.
Uray ti saltek a nadayaw
agrukbab met iti Dios.
(Naipablaak iti Pebrero 7, 1977 a bilang ti Bannawag.)
