Impila ti Ilocos Norte Provincial Police (INPP) ti kaso a panaggatang iti botos maibusor kadagiti 3 a kandidato iti Barangay and Sangguniang Kabataan Elections (BSKE) iti Ilocos Norte itay Oktubre 30.
Kinuna ni INPP Director Police Col. Julius Suriben nga adu ti naawatda a report ti panaggatang iti botos, ket tallo pay laeng ti naipilada iti Commission on Elections (Comelec).
Segun ken ni Suriben, 2 ti nakasuan iti Laoag City, idinto nga iti Piddig ti maysa.
Kinuna ni Suriben nga adda naawatdan a 10 a kaso ti panaglabsing iti alagaden ti eleksion, ket naparpardas ti pannakaipila ti kaso kadagiti naglabsing no tumulong ti publiko iti panagkalap iti ebidensia.
TURISMO: Intayon Idiay Ayuyang Garden iti Pila, Siudad ti Laoag!
Innayon pay ni Suriben nga idatag dagiti reklamo mainaig iti BSKE iti kaasitgan nga estasion ti polis, a saan ketdi nga iti social media. (Leilanie Adriano/PNA//Lito Hilidon/Bannawag.)
