Tapno maliklikan ti pannakadangran ken sakit gapu iti kinaadu ti tao, imbilin ita (Oktubre 31) ti Department of Health (DOH) iti publiko a didan ikuyog dagiti ubbing iti kamposanto.
Kinuna ni DOH Secretary Teodoro J. Herbosa a mabalin a pakaalaan ti sakit dagiti ubbing ti adu a tao, nakaro a pudot ken kellaat a panagtudo.
Impaunay-unay ti DOH a nakapsut ti resistensia dagiti babassit nga ubbing maibusor iti impeksion.
Imballaag pay ni Herbosa ti panaggatang iti ania man a banag kadagiti agisursursur iti uneg ken iti ruar ti kamposanto, kangrunaan iti taraon, gapu ta mabalin a kontaminado dagitoy.
TURISMO: Intayon Idiay Ayuyang Garden iti Pila, Siudad ti Laoag!
Pinalagipan ni Herbosa ti publiko a mangitugot ketdi iti bukod a danum ken taraon tapno masinunuo ti kinatalged ken maliklikan ti ania man a sakit no mapan iti kamposanto. (Merlina Hernando-Malipot/Manila Bulletin//Lito Hilidon/Bannawag.)
