(Nobiembre 3) gapu iti kumarkaro a panaggubat ti Israel ken Hezbollah. (Ladawan: Pammadayaw ti pna.gov.ph.)
Nakaawiden iti Filipinas dagiti 6 nga Overseas Filipino Workers (OFWs) manipud iti Lebanon ita (Nobiembre 3) gapu iti kumarkaro a susik ti Israel ken ti militante a grupo dagiti Lebanese a Hezbollah, a kaaliado ti Hamas.
Addan 10 nga OFW a napaawid ti gobierno ti Filipinas manipud iti Lebanon, idinto a napaawiden ti umuna a grupo idi Oktubre 28.
Sinabet ni DMW Officer-in-Charge Undersecretary Hans Leo Cacdac dagiti nagawid nga OFW iti Ninoy Aquino International Airport (NAIA) Terminal 3, ket maipanda iti Bureau of Quarantine (BoQ) tapno maeksamen ida ti doktor.
Kinuna ni Cacdac a 124 nga OFW iti Lebanon ti kayatdan ti makaawid gapu iti mapaspasamak a panaggubat ti Israel ken Hezbollah iti asideg ti beddeng ti Lebanon.
TURISMO: Intayon Idiay Ayuyang Garden iti Pila, Siudad ti Laoag!
Segun iti datos ti DFA, adda 3,000 a Filipino iti abagatan ti Lebanon.
Idi Oktubre 21, impaulog ti DFA ti Crisis Alert Level 3 iti Lebanon, ket inallukoyna dagiti Filipino a pumanaw iti lugar. (Marita Moaje/PNA//Lito Hilidon/Bannawag.)
