Impanamnama ti Armed Forces of the Philippines (AFP) iti publiko ita (Nobiembre 4) nga awan ti aggandat a mangduprak iti administrasion ni Presidente Ferdinand R. Marcos Jr., idinto a sabali ti pannakaawat ti media iti dinakamat ni AFP chief of staff Gen. Romeo S. Brawner Jr. maipapan iti gandat a panangdadael iti gobierno.
Sakbay daytoy, adda rimmuar a report maipapan iti kinuna kano ni Brawner nga adda agpangpanggep a mangduprak iti administrasion ni Presidente Marcos.
Kinuna ni Col. Medel Aguilar, a pannakangiwat ti AFP, a saanda a naawatan ti mensahe ni Brawner kadagiti kameng ti Western Mindanao Command (Wesmincom) itay Nobiembre 3, idinto a dinakamat laeng daytoy ti maipapan iti panggep dagiti dadduma a mangdadael iti talna ken kinatalged ti pagilian gapu iti panangituray ni Presidente Marcos.
Segun ken ni Aguilar, pinalagipan ni Brawner dagiti kameng ti AFP nga agtalinaedda a propesional ken napudno iti sapatada a salakniban dagiti tao ken ti pagilian.
Manipud Kadagiti Agdama a Kameng ti Bannawag: Dios ti Agngina!
Iti sabali nga interbiu, kinuna ni Aguilar nga awan ti natibker a pangta maibusor iti gobierno ita, ken uray iti mapasungad. (Priam Nepomuceno/PNA//Lito Hilidon/Bannawag.)
