Nasangal ti PhP5.768-trilion a General Appropriations Bill (GAB) wenno gakat a nailian a badiet para iti 2024 tapno mangipaay dagiti nasken a kasapulan dagiti Filipino.
Daytoy ti kinuna ni House Committee on Appropriations Chairman Ako Bicol Party-list Rep. Zaldy Co kalpasan a mayawat ti Kamara ti pinal a kopya ti GAB 2024 iti Senado itay Nobiembre 4.
Inggunamgunam ni Co ti kinuna ni House Speaker Martin Romualdez a mayataday unay ti GAB iti direktiba ti Korte Suprema nga ikkaten ti sistema ti pork barrel.
Dakkel a paset ti badiet ti mailatang iti social services tapno masigurado a dagiti Filipino ti kangrunaan nga agnumar iti daytoy.
TURISMO: Intayon Idiay Ayuyang Garden iti Pila, Siudad ti Laoag!
Maibatay iti GAB, PhP2.183-trilion ti maipaaay iti edukasion, salun-at, social security, pagimbagan ken panggedan dagiti umili.
Inanamongan ni Co ti pannaka-realign ti PhP194.5-bilion para iti pannakapatibker iti nailian a seguridad, mangsalaknib kadagiti Filipino iti sangalubongan a panagngina dagiti magatang, ken pannakasigurado ti kaadda ti umdas a taraon. (Dexter Barro II/Manila Bulletin//Lito Hilidon/Bannawag.)
