SIUDAD TI BATAC. Naisayangkat ti Technology Briefing on Bamboo Production and Rejuvenation ken Bambusetum Establishment itay nabiit a nagbinnuligan ti Mariano Marcos State University (MMSU) ken ti Cumcumraas-Manggaddi-Pitpitac Elementary School iti Brgy. Sumader, Siudad ti Batac, Ilocos Norte. Sungbat daytoy ti kalikagum ti Schools Division City of Batac (SDCB) a makatulong iti pannakaalay-ay ti epekto ti climate change. Dagiti eksperto manipud iti MMSU-CAFSD nga idauluan ni OIC Dean Dr. Charlie Batin ti nangiwayat iti panagsanay. Kalpasan ti training, naipasdek met ti bambusetum project a nakipartisiparan dagiti opisial ti SDCB nga idauluan da Mr. Anselmo R. Aludino, schools division superintendent, ken Dr. Annie D. Pagdilao, assistant schools division superintendent.
Makita iti akinngato a ladawan dagiti manursuro iti Cumcumraas-Manggaddi-Pitpitac Elementary School iti Brgy. Sumader, pannakabagi ti MMSU, SDCB, ken sumagmamano nga estudiante. Akinkanawan a ladawan: da Mr. Anselmo R. Aludino, ken Dr. Annie D. Pagdilao. (Ladawan: Gwyneth Cheska Clemente/ Teksto: Mercy R. Gaño)
Naipablaak iti Nobiembre 16-31, 2023 a bilang ti Bannawag.
