TAGA-ILOCOS SUR A NANGABAK ITI WORLD CHAMPIONSHIPS OF PERFORMING ARTS. Nag-courtesy call ni Jan Rei Raganit (kanawan) ti Bantay, Ilocos Sur iti opisina ni Gobernador Jeremias “Jerry” Singson kalpasan ti panangabakna iti 2023 World Championships of Performing Arts a naangay iti Hyatt Regency, Garden Grove, Anaheim, California, USA manipud Hulio 28 agingga Agosto 6, 2023. Inyalat ni Jan Rei ti sumagmamano a pammadayaw a pakairamanan ti Champion of the World: Division Winner Semi-Finalist, Gold Medal iti Vocal Solo Rock, Gold Medal iti Vocal Solo Broadway, ken Silver Medal iti Vocal Solo World. Maysa ti Gobierno Lokal ti Ilocos Sur kadagiti kangrunaan nga isponsor ‘toy Ilokano a kumakanta. (Teksto: Mancielito S. Tacadena/Ladawan: Pammadayaw ti Opisina ti Gobernador)
Naipablaak iti Nobiembre 16-31, 2023 a bilang ti Bannawag.
