Mapan a 42 nga Overseas Filipino Workers (OFWs) ti simmangpet iti Ninoy Aquino International Airport Terminal 3 (NAIA 3) itay Nobiembre 7 manipud iti Israel.
Buklen ti 34 a caregiver ken 8 a hotel worker ti maikanem a grupo ti OFW a pinaawiden ti gobierno, segun iti Department of Migrant Workers (DMW).
Inyebkas ni Jesyl Lucas, 10 a tawen a nagpaay kas caregiver iti Jerusalem, ti panagyamanna iti DMW, OWWA (Overseas Workers Welfare Administration), ken kadagiti amin nga ahensia ti gobierno a timmulong kadakuada a makaawid.
Kinuna pay ni Lucas a napatpateg ti biagda ngem iti kuarta ta nupay kadawyanen ti gubat iti Israel, ita laeng a nakastrek ti grupo a Hamas ket mapanunotda ti biagda ken ti pamiliada.
Addan 184 nga OFW ti napaawid iti Filipinas manipud iti Israel.
Mannurat ti Bannawag Clotilde C. Alzate, rinambakanna ti maika-100 a panagkasangayna
Kinuna ni DMW Officer-in-Charge Undersecretary Hans Leo Cacdac a namnamaenda nga umadu pay ti OFW nga agsubli iti Filipinas idinto a saan nga agressat ti panagrinnanget ti Israel Defense Forces (IDF) ken ti grupo a Hamas. (Marita Moaje/PNA//Lito Hilidon/Bannawag.)
