Maysa kadagiti 40 a Filipino ti nangikuyog iti kaingungotna a Palestine a rummuar iti Gaza Strip, segun iti DFA itay Nobiembre 8. Manamnama nga agsublidan iti Filipinas daytoy a Sabado wenno Domingo. (Ladawan: Pammadayaw ti pna.gov.ph.)

Agarup 40 a Filipino ti natalged ken sibaballigi a nakaruar iti Gaza babaen ti beddeng ti Rafah a kumamang iti Egypt, segun ken ni Presidente Ferdinand R. Marcos Jr. itay Nobiembre 8.

Nagyaman ni Presidente Marcos iti Department of Foreign Affairs (DFA) ken dagiti embahada ti Israel, Jordan, ken Egypt gapu iti natalged nga ilalasat dagiti Filipino iti Gaza Strip.

Binigbig pay ti Presidente ti panangibabaet ti Qatar tapno maluktan manen ti beddeng dagiti pagilian.

Kinuna ni Presidente Marcos a nagkamang dagiti Filipino iti Cairo a pangsukonan dagiti kameng ti gobierno kadakuada tapno makaawiddan iti Filipinas.

Eksklusibo iti Website
Manipud Kadagiti Agdama a Kameng ti Bannawag: Dios ti Agngina!

Manipud Kadagiti Agdama a Kameng ti Bannawag: Dios ti Agngina!

Segun iti DFA, napalubosanen dagiti 46 a Filipino a rummuar iti Gaza babaen ti Rafah; idinto a 135 pay ti nabati a Filipino iti Gaza Strip, 6 kadagitoy ti nagkiddaw a mapaawiden. (Ruth Abbey Gita-Carlos/PNA//Lito Hilidon/Bannawag.)