Inawat ni Mayor Richard Agregado Degala ti sertipiko a mangipakpakaammo a maysa ti ili ti Vintar kadagiti umawat iti proyekto kas iti Multi-Purpose Warehouse with Solar Dryer a maipatakder iti Barangay San Jose, manipud iti Department of Agriculture - Philippine Rural Development Project (PRDP) Scale-Up. (Ladawan: Pammadayaw ti Office of the Vintar Mayor Facebook page.)

Mapan a 500 a mannalon ti manamnama nga agnumar iti plano a Multi-purpose Warehouse with Solar Dryer a maipatakder iti Barangay San Jose iti Vintar, Ilocos Norte, tapno maksayan ti pannakalugi dagiti mannalon kalpasan ti panagapit ken mapasayaat ti produksionda.

Segun Ken ni Municipal Agriculturist Maricel Serrano, ponduan ti World Bank ti proyekto nga aggatad iti PhP11.9-milion babaen ti Philippine Rural Development Project (PRDP), ken paset ti Department of Agriculture (DA) ken Local Government Unit (LGU) ti Vintar.

Maibatay iti project brief ti DA Regional Field Office 1, imatonan ti gobierno ti Vintar ti 128-metro kuadrado a bodega nga addaan iti 432-metro kuadro a pagbilagan (solar dryer).

Ti bodega ti agpaay a natalged a pagidulinan ken pagbilagan iti irik, bawang, mani, sibuyas, ken mais no panawen ti panagapit.

Eksklusibo iti Website
TURISMO: Intayon Idiay Ayuyang Garden iti Pila, Siudad ti Laoag!

TURISMO: Intayon Idiay Ayuyang Garden iti Pila, Siudad ti Laoag!

Kinuna ni Vintar Mayor Richard Degala a gapu iti bodega, manamnama a ngumato ti matgedan dagiti mannalon gapu iti nasaysayaat a kalidad ti produktoda, idinto a saandan nga agbilag iti kalsada wenno iti igid ti kalsada. (Leilanie Adriano/PNA//Lito Hilidon/Bannawag.)