Inaprobaranen ni Presidente Ferdinand "Bongbong" Marcos Jr. ti panaggatang iti 5 a kabaruan a patrol vessel nga aggatad iti PhP29.3 a bilion, kas paset ti Maritime Safety Capability Improvement Project (MSCIP) Phase 3.
Kinuna ni National Economic and Development Authority (NEDA) Secretary Arsenio M. Balisacan a gumatang ti gobierno iti 5 a Multi-Role Response Vessels (MRRV) iti Japan nga agatiddug iti 97 a metro tapno mapabileg ti kabaelan ti Philippine Coast Guard (PCG) a mangbantay iti baybay a masakupan ti Filipinas kas iti West Philippine Sea (WPS), Sulu-Celebes Seas (SCS), ken iti Philippine Sea.
Maibatay iti Phase 3 ti MSCIP, ti Department of Transportation (DoTr) ti manggatang iti MRRV para iti PCG, ken mairaman ti 5-tawen a logistics support.
Aggapu ti pondo iti Official Development Assistance (ODA) nga utang iti Japan, a suportaran ti Japan International Cooperation Agency (JICA). (Chino S. Leyco/Manila Bulletin//Lito Hilidon/Bannawag.)
