Diskualipikado ti 21 a kandidato, agraman ti 10 a nangabak iti Barangay and Sangguniang Kabataan Elections (BSKE) idi Oktubre 30.
Iti impaulog ti Commission on Elections (Comelec) itay Biernes (Nobiembre 10), kinanunonganda ti motu propio a Petition for Disqualification maibusor kadagiti nadakamat a kandidato, gapu iti nasapa a panagkampania ken panaggatang iti botos.
Kadagiti 10 a nangabak, adda 2 a barangay chairman, 3 a barangay kagawad, 2 nga SK chairman, ken 3 nga SK kagawad.
Kadagiti 11 a naabak, adda 9 a kandidato iti SK kagawad ken 2 a para barangay kagawad.
TURISMO: Intayon Idiay Ayuyang Garden iti Pila, Siudad ti Laoag!
Segun iti Comelec, ti Tarlac ti addaan ti kaaduan ti nadiskualipikar a kandidato ta adda 7; sarunuen ti Batangas ken Laguna nga addaan iti 4.
Adda 2 a nadiskualipiar iti Pampanga, idinto nga adda 1 iti Manila, Quezon City, Rizal province, ken Maguindanao de Norte.
Kinuna pay ti Comelec nga adda pay agur-uray a 318 a motu propio a kaso ti diskualipikasion dagiti kandidato iti BSKE, karaman ditoy dagiti 292 a kaso gapu iti nasapa/ilegal a panagkampania ken 26 a kaso iti panaggatang/panangilako iti botos.
Sakbay daytoy, impaulog ti Comelec ti pannakasuspende ti proklamasion dagti nangabak a kandidato nga addaan iti disqualification case. (Ferdinand Patinio/PNA//Lito Hilidon/Bannawag.)
