Tinakderan ita (Nobiembre 13) ti Department of Finance (DOF) a mayannatup iti linteg dagiti rinebisarda nga Implementing Rules and Regulations (IRR) ti Maharlika Investment Fund (MIF).
Kinuna ti DOF a nainayon iti narebisar nga IRR ti natibker a sistema ti panangituray iti Maharlika Investment Corp. (MIC).
Kanunongan pay ti DOF ti narebisar nga IRR ti MIF a mamagtalinaed iti kinaagwaywayas ti Board of Directors ti MIC a buklen ti 9 a kameng.
Maibatay iti narebisar nga IRR, maikkan iti kalintegan ti Presidente ti Filipinas a mangilaksid iti irekomendar ti Advisory Board nga agbalin a director wenno daulo (CEO) ti MIC.
TURISMO: Intayon Idiay Ayuyang Garden iti Pila, Siudad ti Laoag!
Saan a nadakamat iti narebisar nga IRR dagiti kualipikasion ti agpaay nga independent director; idinto nga iti daan nga IRR, masapul nga addaan iti master's degree iti finance, economics, business administration, wenno iti kaarngina a tay-ak ti agbalin nga independent director.
Patien ti DOF nga aggunayen ti MIC iti arinunos ti tawen. (Chino S. Leyco/Manila Bulletin//Lito Hilidon/Bannawag.)
